عناوين فروع بنك الاسكان والتعمير بجميع محافظات مصر بالتفاصيل

مجالات عمل كلية كلية اداب قسم مسرح

قسم المسرح في كلية الاداب من أعظم الأقسام في الكلية وده لأن مجالات عمل قسم مسرح موجودة في مجالات كتير وده بيكون سبب في زيادة معدل فرص العمل الموجودة والمتنوعة .

أغلب الطلبة إن مكنش كلهم دخلوا كلية اداب نظرًا للظروف أو إن المجموع هو اللي جابهم هنا ، ونادرًا أوي لما تلاقي حد حابب كلية اداب وحابب أقسامها وعايز يتخرج منها .

في المقال ده هنتكلم معاكم عن واحد من أهم أقسام كلية الاداب.. وهو قسم المسرح هنعرف ايه هو قسم المسرح ودراسته ومجالات عمل قسم مسرح ، وفرص العمل المتاحة بعد التخرج .

تعريف بقسم المسرح 

قسم المسرح والدراما من ضمن الأقسام الذي تسمح بقبول طلاب انتساب أو انتظام ، وكمان بيقبل الشعبتين سواء العلمية أو الأدبية .

قسم مسرح ودراما أو الدراما والنقد المسرحي بيدرس تاريخ المسرح الحقيقي من بدايته ، وأشهر كتابه زي شكسبير مثلًا .. وكمان تحليل أشهر المسرحيات العالمية زي أوديب وهاملت وغيرها .

قسم المسرح في كلية الاداب  إن دراسته شاملة جميع جوانب المسرح ، لأنك هتدرس فيه نقد مسرحي واخراج وديكور وكمان تمثيل ، وكمان القسم بيهتم بالجانب العلمي يعني ممكن تمارس فيه موهبتك سواء بترسم أو بتغني أو بتمثل .

ملحوظة مهمة: عشان تنجح في القسم ده وتكون ماشي فيه بشكل كويس لازم تكون من محبين المسرح وعندك موهبة ومهتم من صغرك وعندك خلفية عنه عشان متحسش ان دراسته غريبه عليك ويكون عندك دافع تكمل ، لكن لو بتفكر تدخله دلوقتي بدون أي خلفية ممكن تتعب فيه ومش هيكون الاختيار الأمثل ليك ؛ وخصوصا ان القسم متعب.

 

مجالات عمل كلية اداب قسم مسرح

مجالات عمل قسم مسرح كتيرة جدًا ومتنوعة وهو يعتبر أكتر الأقسام اللي ليها فرص عمل دلوقتي في مختلف المجالات في الاعلام والمسرح والسينما والتلفزيون .

أهم وظائف قسم المسرح تتمثل في :

• التعيين في وظائف النقد الصحفي
• كتابة المقالات الصحفية
• مدرس مسرحي
• ومعد برامج
• والعمل في المجال الاكاديمي معيد بالكلية
• مؤلف تليفزيوني
• التعيين في البيت الفني للمسرح
• مصمم ديكور

وللتنبيه مفيش أي مجال  من دول بتتخرج وتتعين على طول ولكن هي وظايف صعبة بتحتاج وقت وتعب وصبر وخبرة عشان تتعين في حاجة منهم ؛ لأن المجال بيحتاج صبر وسعي وابداع وعشان كده الي بيدخلوه بيكونوا من محبين الفن فبيصبروا.

قبل ما تدخل كلية ليها علاقة بالفن لازم تحسبها وتدرس الموضوع كويس وتفكر ايه ايجابيات وسلبيات الموضوع ، وخلفيتك عن الفن والنقد وأسبابك للدراسة، عشان متضيعش 4 سنين من عمرك في الفاضي وكان قدامك اختيارات أفضل.

قسم مسرح في كلية الاداب غير متوفر في جميع كليات الاداب في جميع المحافظات ولكن متوافر في عدة محافظة فقط وهي :

كلية الاداب جامعة اسكندرية

كلية الاداب جامعة حلوان 

كلية الاداب جامعة عين شمس 

كلية الاداب جامعة المنصورة 

كلية الاداب جامعة المنيا 

الخلاصة: لو هتدخل القسم عشان موهبتك وشغفك فهو اختيار مناسب ليك، ولكن لو عشان وظيفة ومستقبل سريع ومضمون ف القسم ده مش الأنسب ليك، ولو قررت تدخل القسم فحاول تدخل أداب مسرح حلوان أو اداب مسرح عين شمس دول أفضل جامعتين في القسم والدراسة دي كتعليم ونظام ودكاترة. 

تعديل المقال